先理解聽清客戶需要
即場運作香港廣東話
每次廣東話對話，都可以變成下一步商機。
為香港銷售團隊而設。AI 會聽清需要、整理購買訊號，再將合適對話連同重點交俾真人跟進。
REAL CALL
其中一個真實銷售示範
即場 / 00:18
AI「明白。你哋而家最想改善嘅，係搵多啲對話，定係提高轉換率？」
聽清需要→判斷意向→交俾真人
CONVERSATION MAP / 非影片互動示範
一段對話，點樣變成
下一步跟進。
捲動或者移動滑鼠，睇 AI 點樣由語氣同需要入面整理訊號，再交返畀真人。真實通話只會喺上面播放一次。
- 01聽清客戶真正需要
- 02判斷意向同時機
- 03尊重疑慮同界線
- 04交接重點同下一步
閱讀其中一個地產示範對話稿
客戶：係呀，我查緊關於地產嘅資料。
AI：明白，咁想同你確認一下，你當時主要係想搵賣樓定租樓嘅資料？
客戶：我比較想知道租樓嘅資料。
AI：明白，咁想問下你主要想搵邊一區嘅單位？
客戶：暫時想去深水埗嗰邊。
AI：深水埗嗰邊，好。想問下你大概預算係幾多？仲有有冇話想租一房定兩房？
客戶：我暫時未諗好預算嗰啲嘢，有冇得之後再傾呢方面？
AI：冇問題，預算遲啲再傾都可以。想問下你大概想幾時開始搵樓，或者幾時需要入住？
客戶：我……我即將就想入住。我一月入住嘅。
AI：明白，一月入住時間都幾緊湊。除咗你之外，仲有冇其他人會一齊做決定或者一齊住嘅？
客戶：我唔想講咁多。
AI：明白，唔緊要。如果我幫你約個時間，同持牌地產代理用十五分鐘，傾下深水埗租樓嘅選擇，請問你平日放工後或者週末，邊個時間段會比較方便？
AI：唔好意思，可能我問得太急。其實只係想快啲幫你約到合適嘅時間，同代理傾，等你一月可以順利租到深水埗嘅單位。如果你覺得而家講太多，不如我遲啲再搵你確認時間。
客戶：好呀，得。
AI：好，明白。咁我遲啲再搵你確認時間，唔阻你先。拜拜。
由了解需要、確認時機，到整理疑慮同下一步，再交俾合適嘅真人跟進。
互動流程圖展示跨行業都適用嘅處理方式；首屏播放器入面嘅地產通話只係其中一個真實示範。
01 / 聽得明 — 先聽語氣，再判斷意思
聽清語氣、停頓，同客氣說話背後嘅意思。
香港人唔一定直接講「有興趣」。語氣、停頓、客氣說話，每一樣都係訊號。AI 會先跟住對話節奏理解，再決定下一句應該點答。
「遲啲再講」
只係客氣推搪？
定係時機未啱？
02 / 諗得通 — 沿住對話追問
記住上文下理，再問下一條最有用嘅問題。
佢會記住成段對話，分得出對方係有疑慮、純粹好奇，定係真係有興趣，再揀最有用嘅下一條問題。你設定嘅篩選條件，會確保每句都圍繞真正商機。
03 / 講得自然 — 每次回應都係一段完整說話
完整廣東話回應，接住對方嘅節奏。
每次回應都會用完整、連貫嘅廣東話講出嚟，跟住對話節奏接住講。
「可以。下一步我哋用 20 分鐘，試一段你哋自己嘅銷售對話？」
由第一句到真人接手
AI 先問清楚。
真人直接接住傾。
再篩選判斷購買意向
接住傾處理常見異議
帶齊重點交俾銷售跟進
每次對話都按你嘅篩選條件進行。確認係合適商機之後，系統會整理需要、異議同下一步，等銷售可以直接接手跟進。
Surfio 團隊曾參與／合作履歷
IDEATION PROGRAMME
WINNING PROJECT
CAPITAL · PROGRAMME
PROGRAMME
香港理工大學
香港科技大學
Surfio 團隊
一隊喺香港做銷售增長嘅團隊。
Surfio 創辦團隊曾兩度獲選參與 HKSTP Ideation Programme、贏得 Techathon+，亦曾參與 Sequoia Capital 及 Shenzhen InnoX 相關項目，並喺香港理工大學及香港科技大學教授 AI 同數碼營銷，累計接觸超過 400 名學生。
2×HKSTP 獲選
1×Techathon+ 得獎
400+學生曾參與課堂
銷售情境
每段對話，
都有合適嘅下一步。
無論你做邊個行業，AI 都會按客戶所處階段，調整問題、判斷訊號同真人交接方式。
先問清楚真正需要，再決定應該點跟進。
AI 會由現況、目標同時間開始，分辨客戶係初步了解，定係已經有明確需要。
客戶「我想了解吓，但而家仲未決定用邊個方案。」
AI「明白。你而家最想改善嘅係邊一部分？大概幾時希望見到結果？」
重點訊號現況 · 目標 · 時間
AI 動作釐清需要同優先次序
真人交接整理重點 → 合適同事
示範用途，並非已核實客戶成效聲明。
20 分鐘 / 用你嘅真實銷售情境
親耳聽下
廣東話 SDR 點樣傾。
預約即場試聽↗
帶一個真實客戶異議過嚟，即場聽下 AI 點理解、追問同交接。
毋須安裝唔會自動開 campaign會後先決定下一步
常見問題
傾之前，
你可能想知。
呢個係咪預先錄好嘅示範？+
唔係。試聽會即場行一段真實對話。正式電話功能要等聲音質素、電話路線同推廣設定全部確認好，先會啟動。
佢可以幫到邊一段銷售流程？+
由首次接觸、了解需要、篩選意向、處理常見異議，到整理對話重點交俾真人跟進，都可以按你現有流程設定。
可唔可以跟我哋嘅篩選流程？+
可以。對話層可以按你嘅理想客戶條件、指定問題、淘汰條件、常見異議同交接規則運作。
確認係商機之後會點？+
系統會整理好對話重點同下一步，交俾你嘅團隊跟進。所有實際操作仍然按你設定嘅流程同審批規則執行。
對話錄音同客戶資料會點處理？+
正式使用前會同你確認錄音、保存期、存取權限同刪除流程。未得到你批准，唔會用你嘅客戶對話去訓練公開模型。
會唔會未批就自行打電話或者約客？+
唔會。試聽只係示範；正式電話、推廣活動同預約動作，都要按你指定嘅審批規則先可以啟動。
可以接返現有 CRM 同跟進流程嗎？+
可以先喺試聽入面畫清楚交接資料同負責人，再按你現有 CRM、日曆同通知流程評估接駁範圍。